Imas. 25 taun. Masih nyorangan. Biwir galing. Raray semu léncop nyari jeung kulit bodas. Irung leutik. Bangir. Awak sampulur. Jangkung. Kuda Ustrali. Mun lempang ngagéboy. Némbongkeun cangkéng nu semu tenggéng. Mandiri. Imah nu sorangan. Hasil gawé jadi manajer. Ka luar nagri geus teu kasebut. Singapur mah kacapangan. Béda jeung ka Canada. Anderok pondok motong pingping. Heureut. Kaméja meungkeut awak. Kancing luhur dibuka hiji. Tara katingal peré gawé. Indit isuk balik peuting.Salapan welas taun geus kaliwat. Kamari panggih deui. Geulisna angger. Malah leuwih donto. Bahénol. Eplok céndol.Turun tina mobil. Jeung lalaki. Kasép. Awak ngeusi. Umurna leuwih ngora ti Imas. Ngaléng. Ngaléndéan. Lalakina mawa balanjaan.
0 Comment:
Posting Komentar